شارپرێس

بەرپرسی مەکتەبی رێکخستنی هەولێری پارتی ڕایگەیەنێت، سەرۆکى هەرێم لە هەوڵى دروستکردنى یەکڕیزیدایە لەنێوان لایەنەکاندا و دەشڵێت: ٩٠%ى ئەو حزبانەی ناویان پێشکەشی کۆمیسیۆن کردووە پێیانوایە بەبێ پارتی هەڵبژاردن ناکرێت.

پشتیوان سادق، بەرپرسی مەکتەبی رێکخستنی هەولێری پارتی دیموکراتی کوردستان لە کاتی بەشداریکردنی لە پانێلێکی تایبەت بە دۆخی عێراق و ڕۆژهەڵاتی ناوەڕاست وتى: کاتێک سەرۆکی ئەمەریکا دەڵێت، دەبێت هەڵبژاردنێکی پاک و شەفاف لە هەرێمی کوردستان بکرێت، واتای ئەوە دەگەیەنێت، دەستوەردان لە هەڵبژاردنی پەرلەمانی کوردستان دەکرێت.

ئەو بەرپرسەى پارتى وتیشى: نێچیرڤان بارزانی، سەرۆکی هەرێمی کوردستان لەگەڵ حیزبەکان لە گفتوگۆدایە بۆ دروستکردنی یەکڕیزی کە ئەمە پرەنسیپی پارتی بووە لە ڕابردوو و ئێستادا.

بەرپرسی مەکتەبی رێکخستنی هەولێری پارتی باسی لەوەکرد، ٩٠%ى ئەو حزبانەی ناویان پێشکەشی کۆمیسیۆن کردووە باوەڕیان وایە  کە هەڵبژاردن بە بێ پارتی ناکرێت.