وێنە.. 16 هاوڵاتی مەدەنی بەهۆی بۆردومانی سوپای تورکیا بونە قوربانی

کوردستان

14/03/2018‌ 460 جار خوێندراوه‌ته‌وه

شارپرێس:
بەهۆی بۆردوومان و تۆپبارانەکانی سوپای تورکەوە بۆ سەر ناوەندی عەفرین، ژمارەیەکی زۆر هاوڵاتی مەدەنی شەهید و برینداربون.

لە ئێوارەی ئەمڕۆ چوارشەممە سوپای تورک بە چەکی قورس و فڕۆکە جەنگیی، ناوەندی شاری عەفرین بەچڕیی تۆپباران و بۆردوومان دەکات.

فرۆكە جەنگییەكان و تۆپخانەكانی توركیا، ئێوارەی ئەمڕۆ چوارشەممە شاری عەفرینیان بۆردومان كردو لە ئەنجامدا چوار هاوڵاتی مەدەنی شەهید بوون و 12 هاوڵاتی دیكەش برینداربوون.

بەپێی ئەنجامە بەراییەکان، بۆردوومان و تۆپبارانەکانی سوپای تورک ژمارەیەکی زۆر شەهید و برینداری مەدەنیی لێکەوتووەتەوە و بەشێکیان گواستراونەتەوە بۆ نەخۆشخانەی عەفرین.

تا ئامادەکردنی ئەم هەواڵە، بۆردوومانی فڕۆکە جەنگییەکان و تۆپبارانەکانی سوپای تورک لە عەفرین بەردەوامە.


هـ ـ ر