شارپرێس:
بەڕێوەبەرایەتی پۆلیسی پارێزگای سلێمانی رایگەیاند، بەهۆی گڕگرتنی ئۆتۆمبیلێكەوە دوو هاووڵاتی گیانیان لەدەستدا .
بەڕێوەبەرایەتییەكە راشیگەیاند، نیوەڕۆی ئەمڕۆ 22ی 6 ی 2018 لەسەر ڕێگای دوكان – سلێمانی ئۆتۆمبیلێكی جۆری (كیا –ژمارە ، بەغدا )گڕی گرت و بەهۆیەوە دوو هاوڵاتی سوتانو گیانیان لەدەستدا .
بەپێی بەرێوەبەرایەتییەكە دوای گەیشتنی هێزەكانی پۆلیس تەرمی دوو هاووڵاتییەكە ڕەوانەی پزیشكی دادوەری لە شاری سلێمانی كران .
هەر بەپێی بەرێوەبەراییەكەو بەگوێرەی زانیارییە سەرەتاییەكانی پۆلیس، بەهۆی گڕگرتنی ئۆتۆمبیلێكەوە دوو هاووڵاتی گیانیان لەدەستداوە، بەڵام بەهۆی زۆری سوتانەكەیانەوە تا ئێستا هیچ ناسنامەیەكیان ئاشكرانەبوو .
هەروەها لە ئێستاشدا لە لایەن بنكەی پۆلیسی پیرەمەگرونەوە پەڕاوی لێكۆڵینەوە بۆ ڕووداوەكە كراوەتەوەو لێكۆڵینەوەكان بەردەوامن .
هـ ـ ح