شارپرێس:
بەرهەم ساڵح، سەرۆك كۆماری عێراق و برێت ماكگۆرك، نێردەی تایبەتی سەرۆكی ئەمەریكا بۆ شەڕی داعش كۆبوونەوە، مەكگۆرك "نیازی وڵاتەكەی بۆ پەرەپێدانی ئاسۆی هاریكاریی نێوان عێراق و ئەمەریكا نوێكردەوە".
نوسینگەی راگەیاندنی سەرۆك كۆماری عێراق بڵاویكردەوە، بەرهەم ساڵح و برێت مەكگۆرك ئەمڕۆ یەكشەممە لە كۆشكی سەلام كۆبوونەتەوە و باسیان لە گرنگی پەیوەندییەكانی نێوان عێراق و ویلایەتە یەكگرتوەكانی ئەمریكا كردووە.
ئاماژە بەوەشكراوە، بەرهەم ساڵح "پێویستی بەهێزكردنی پەیوەندییەكانی لە هەموو بوارەكاندا دووپاتكردووەتەوە، بە تایبەتی لە بواری ئابووریی و بازرگانیدا لە چوارچێوەی رێككەوتنامەی ستراتیژیی نێوان هەردوو وڵاتدا".
هەر بەپێی ڕاگەیەنراوەكە برێت مەكگۆرك، "نیازی وڵاتەكەی نوێكردەوە بۆ پەرەپێدانی ئاسۆی هاریكاریی نێوان عێراق و ئەمەریكا".
ه.م