شارپرێس:
فوئاد حوسێن وەزیری دارایی عێراق بانگهێشتی پەرلەمان دەكرێت، بۆ ئەوەی لەلایەن پەرلەمانتارانەوە لێپرسینەوەی لێبكرێت.
بانگهێشتەكە لەسەر داوای چەند پەرلەمانتارێكی شیعەیە، كە واژوویان كۆكردووەتەوەو ئاراستەی سەرۆكایەتی پەرلەمانیان كردووەو بڕیارە سەرۆكایەتییەكەش بەم نزیكانە بانگهێشتی پەرلەمان بكات.
داواكاری پەرلەمانتاران‌و لێپرسینەوە لەفوئاد حوسێن پەیوەندی بەرپرسی موچەی فەرمانبەرانی هەرێمی كوردستان هەیە، كە لەلایەن وەزارەتی دارایی عێراق دابین دەكرێت، كە بەپێی زانیارییەكان بەغدا شەش موچەی بۆ فەرمانبەرانی هەرێم ناردووە، بەڵام هەولێر چوار موچەی دابەشكردووە.
هەر بەپێی زانیارییەكان، پەرلەمانتاران لەسەر ئەو پرسە داوای روونكردنەوە لەوەزیری دارایی دەكەن‌و ئەگەر بێت‌و وەڵامەكانی وەك پێویست نەبێت، ئەوە ئەگەری ئەوەی هەیە متمانەی لێوەربگیرێنەوە.
هـ ـ ح