شارپرێس:
پارتى دیموکراتى کوردستان رایدەگەیەنێت، پشتیوانی دانوستانەكانی نێوان
هەولێر و بەغدا دەکەن تا گەیشتن بە چارەسەری كۆی كێشە هەڵپەسێردراوەكان.
بەبۆنەى ٧٣ ساڵەى دامەزراندنى حزبەکەیانەوە مەکتەبى سیاسى پارتى
رایگەیاندوە" پارتى سوورە لەسەر پاراستن و بەهێزكردنی قەوارەی كوردستان كە لە
شەش ساڵی رابردوودا بە جۆرەها پیلان و شەڕ و هەڕەشە و سەنگەر لێگرتن ویستیان لە
ناوی ببەن و رەنجی سەد ساڵی كورد بە با بدەن. پارتیمان بە ورە و بڕوایەكی
پۆڵایینەوە بەرەنگاری كۆی ئەو هەڕەشانە بۆوە و خۆشبەختانە یەك بە دوای یەكدا تێكی
شكاندن".
ئاماژەى بەوەشکردوە، لهبهردهم شهڕی نانبڕین و هەراشبونەوەی
شۆڤێنیزمیشدا، نهیانهێشت كوردستان چوك دابدات، تا شۆڤێنیزم و نانبڕهكان چۆكیان
دادا. نهیهێشت مهرامی خۆبهدهستهوهدهران بێته دی و قهوارهی ههرێمی
كوردستان ههڵوهشێتهوه و بەرهەمی خوێن و خەباتی شەهیدان بە هەدەر بڕوات.
هەروەها پارتى جەختیکردوەتەوە، توانیویانە به سیاسهتێكی حهكیمانه
و بێ كهمترین سازش لهسهر مافه رهواكانمان، سزا ناڕهواكانی سهر كوردستان ههڵوهشێنێتەوە،
رایهڵهكانی كوردستان لهگهڵ جیهان گرێبداتهوه و پێگه و ئیعتباره جیهانییهكهی
بۆ بگێڕێتەوە، هاوکات باسى لەوە کردوە، لە حكومەتداریشدا توانی شان بداته بهر مهسئولیهتی
رۆژە سەختەكان و كۆڵ نهدات تا ئاسۆی چارهسهر به ڕووی ههموو قهیرانهكاندا
كرانەوە و تهنگانه و گرفتهكان بهرهو كۆتایی چوون.
لەبەشێکى ترى راگەیەنراوەکەدا مەکتەبى سیاسى پارتى باسى لەوە کردوە، بە
پشوودرێژی و رەچاوكردنی بەرژەوەندییە باڵاكانی كوردستان و خەڵكەكەی، توانی
گرێیەكانی بەردەم پێكهاتنی لایەنەكان و پێكهێنانی کابینەی نۆیەمی حكومەت بكاتەوە،
سەرباری درەنگ كەوتن بەڵام دواجار دامەزراوەكان كەوتنەوە گەڕ و سەرۆكایەتی هەرێم و
پەرلەمان كارابونەوە و حكومەتێكی فرەیی نوێ دەستبەكار بوو.
هاوکات دەشلێت، پارتەكەتان بە هیوایەكی زۆرەوە لەم قۆناغە دەڕوانێ بۆ
دوبارە دەستپێكدنەوە و درێژەپێدانی ئاوەدانكاری و گەشەپێدان و پێشخستنی كوردستان،
كە ساڵانی رابردوو بە هۆی شەڕ و قەیرانەكان و سیاسەتی برسیكردن و ململانێی بێ
سەمەری ناوخۆییەوە ھەنگاوەکان سستکرابوون. باوەڕمان پتەوە كە مادام لە پاراستنی
كوردستان و تێكشكاندنی پیلانەكانی هەڵوەشانەوەی قەوارەی هەرێمدا، سەركەوتین، مادام
قەیرانەكانمان تێپەڕاند، ئیتر زەمینە سازە و كاتی دەستپێكردنەوەی پێشخستن و
گەشەپێدانەوەی وڵاتەكەمانە.
لەکۆتاییشدا مەکتە بى
سیاسى پارتى دوپاتیکردوەتەوە، پشتیوانی دانوستانەكانی نێوان هەولێر و بەغدا دەکەن
تا گەیشتن بە چارەسەری كۆی كێشە هەڵپەسێردراوەكان بە پێی دەستور و بە قازانجی
گەلەكەمان و ئیستیحقاقە رەواكانی.
بە هەموو تواناشمان پشتیوانی
كابینەی نوێی حكومەتین لە پێناو پاراستنی دەسكەوتە بەدیهاتووەكان و بەدەستهێنانی
دەسكەوتی زیاتر و درێژەپێدانی هەوڵەكان بۆ چاكسازییەكی سەرتاسەری لە هەموو
بوارەكاندا كە بە قازانجی بەدیهێنانی عەدالەتی كۆمەڵایەتی و خۆشگوزەرانیی خەڵكی
كوردستان بشكێتەوە.
هەروەها مەکتەبى سیاسى پارتى راشیگەیاندوە، لەم هەلو مەرجەدا كە كوردستان
و عێراق و ناوچەكەی پێدا دەگوزەرێ، بانگەوازیان وەك هەمیشە بۆ هەموو لایەك ئەوەیە
ناكۆكییە نێوخۆییەكان وەلاوە بنێین و پێكەوە و بە هەماهەنگی و هاوخیتابی، لەسەر
هەموو ئاستەكان خەبات بكەین تا شایستەی نوێنەرایەتێ و متمانەی گەلەكەمان بین لە
داكۆكی و پاراستنی بەرژەوەندییە باڵاكانیدا.
س.هـ