شارپرێس:
مووشەكی تۆماهۆك بە باشترین و وردترین و كاریگەرترین چەكی ناو جبەخانەی مووشەكی ئەمەریكا دادەنرێت، كە دەتوانرێت لەسەر كەشتی‌و ژێردەریاییەكانەوە لەڕێگای یارمەتی مانگە دەستكردەكانەوە ئاراستە بكرێت .
تۆماهۆك لە خێزانی موشەكە كروزە خۆرەوەكانە، كە چەند شێوەیەكی بەكارهێنانی هەیە، دەتوانرێت كڵاوەی تەقینەوەكەی بەپێی پێویستی و ئامانجكە بگۆڕدرێت.
هێزی دەریایی ئەمەریكی لە سوریا بۆ پێكانی چەند ئامانجێك بەكاریهێناوە وەك بنكەی ئاسمانی شوعەیرات لەنزیك حومس .
پرسیارەكە لێرەدا ئەوەیە، كە تەقاندنی یەك مووشەكی تۆماهۆك چەند لەسەر ئەمەریكا دەكەوێت؟
بەگوێرەی ژمارە فەرمییەكان ، هاویشتنی یەك مووشەكی تۆماهۆك یەك ملیۆن دۆلار لەسەر ئەمەریكا دەكەوێت ، كە مەبەست لێی نەوە نوێكانی مووشەكی تۆماهۆكە .
بەو پێیە ، نرخی دوو مووشەك لەو مووشەكە ئەمەریكییانە بەهاكەی بەقەد تانكێكی نوێی "تی ٩٠"ی رووسییە .
وەرگێڕان: ئاكۆ عەبدوڵڵا ئاڵی