دەستەی ئاماری توركیا ڕایگەیاند، عێراق لە پلەی چوارەمی ئەو وڵاتانەیە كە زۆرترین هاوردەیان لە توركیاوە كردووە لە مانگی ئاداری رابردوودا.

دەستەكە، لە ڕاپۆرتێكدا ئاماژەی بەوەشكردووە، “هەناردەكردنی وڵاتەكە 22 ملیار و 571 ملیۆن دۆلار بووە، كە بەڕێژەی 4.1% كەمیكردووە، هاوردەكردن 29 ملیار و 912 ملیۆن دۆلار بووە لە ئاداری 2024، كە بەراورد بە مانگی ئاداری 2023 بەڕێژەی 6.3% كەمیكردووە”.

ئاماژەی بەوەشكرد، ئەڵمانیا وڵاتی هاوبەشی سەرەكی هەناردەكردنە بە یەك ملیار و 749 ملیۆن دۆلار، ئیتاڵیا بە پلەی دووەم دێت بە یەك ملیار و 288 ملیۆن دۆلار، دواتر ئەمریكا بە یەك ملیار و 804 ملیۆن دۆلار پلەی سێیەمی بەدەستهێناوە، عێراق پلەی چوارەمی بەدەستهێناوە بە یەك ملیار دۆلار ملیار و 189 ملیۆن دۆلار، و ئیمارات بە یەك ملیار و 172 ملیۆن دۆلار پلەی پێنجەمی بەدەستهێناوە.

عێراق زۆربەی كاڵا و كەلوپەلی خۆراك لە وڵاتانی دراوسێ و بەتایبەت توركیا و ئێرانەوە هاوردە دەكات و تا ڕادەیەكی كەمتریش لە وڵاتانی كەنداوی عەرەبی و ئوردنەوە هاوردە دەكات.