شارپرێس:
سەرۆکی ئەمریکا هۆشداری دەدات و دەڵێت، دەبێت تا کاتژمێر 6:00ی ئێوارەی ڕۆژی یەكشەممە ڕێککەوتنێک لەگەڵ بزوتنەوەی حەماس سەبارەت بەغەززە بکرێت.
دۆناڵد ترەمپ، سەرۆكی ئەمریكا، لەپلاتفۆڕمی تایبهتی خۆی پهیامێكی بۆ حهماس ناردوهو نوسیویهتی، "ئێستا بارمتەکان ئازاد بکەن، هەمویان بەتەرمی مردوەکانیشەوە! دەبێت تا ئێوارەی یەکشەممە کاتژمێر 6:00، بەکاتی واشنتن دی سی ڕێککەوتنێک لەگەڵ بزوتنەوەی حەماس بکرێت. هەمو وڵاتان واژۆیان لەسەر پلانەکە کردوە".
وتیشی، "خۆشبەختانە بۆ حەماس دوا دەرفەتیان پێدەدرێت، وڵاتانی گەورەو زلهێزو زۆر دەوڵەمەندەکانی ڕۆژهەڵاتی ناوەڕاست و ناوچەکانی دەوروبەری لەگەڵ ئەمریکا ڕێککەوتون، بەڕەزامەندی ئیسرائیلیش، بۆ ئاشتی دوای سێ هەزار ساڵ لەڕۆژهەڵاتی ناوەڕاست".
ترەمپ باسی لهوهشكرد، "ئەو گرێبەستە ژیانی هەمو چەکدارانی حەماسیش ڕزگار دەکات، وردەکارییەکانی بەڵگەنامەکە بۆ هەموان زانراوە، بۆ هەموان مامەڵەیەکی گەورەیە، بەجۆرێک یان جۆرێکی تر ئاشتیمان لەڕۆژهەڵاتی ناوەڕاستدا دەبێت، توندوتیژی و خوێنڕشتنەکە دەوستێت".
ئهوهشی خستهڕو، "وەک تۆڵەسەندنەوەیەک بۆ هێرشەکەی حەوتی ئۆکتۆبەر، پێشتر زیاتر لە 25 هەزار ئەندامی حەماس کوژراون، ئەوانی دیکەش زۆربەیان گەمارۆدراون و لەڕوی سەربازییەوە گەمارۆدراون، تەنها چاوەڕێی ئەوەن بڵێم بڕۆو بەخێرایی ژیانیان لەدەست دەچێت".
سهرۆكی ئهمریكا هۆشداریشدا "ئەگەر ئەو ڕێککەوتنە دوا دەرفەتە نەکرێت، هەموو جۆرە دۆزەخێک لەدژی حەماس ئەگەری کرانەوەی دەبێت، وەک ئەوەی پێشتر کەس نەیبینیوە، ئاشتی لە ڕۆژهەڵاتی ناوەڕاستدا ڕودەدات".
ترەمپ داوای لەهەموو فەڵەستینییە بێتاوانەکان کرد ئەم ناوچەیە بەجێبهێڵن، کە دەکرێت لەداهاتودا مردنی بەرفراوان لێی ڕوبدات، دەستبەجێ بۆ ناوچە سەلامەتەکانی غەززە، هەموان بەباشی لەلایەن ئەو کەسانەوە چاودێری دەکرێن کە چاوەڕێی یارمەتی دەکەن".
