شارپرێس:
هێزەچەکدارەکانی حکومەتی سوریا بە گازی فرمێسکڕێژ هێرشیانکردەسەر دانیشتوانی گەڕەکی شێخ مەقسوود و ئەشرەفیە.
ئێوارەی ڕۆژی دووشەممە لە گەڕەکی شێخ مەقسوود و ئەشرەفیە لە کاتی ناڕەزایەتییەکان دژی داخستنی دەروازەکانی گەڕەکەکانیان لەلایەن حکومەتی سوریاوە، پازدە کەس بریندار بوون و تووشی تەنگەنەفەسی بوون.
بەگوێرەی سەرچاوەکان لە گەڕەکی شێخ مەقسوود و ئەشرەفیە لە کاتی ناڕەزایەتی دەربڕین دژی داخستنی دەرگاکانی چوونە ژوورەوە بۆ گەڕەکەکان و چەکدارەکان هێرشیان کردوەتە سەر ناڕازیان.
لە کاتی گردبوونەوەکەدا، هێزەکانی حکومەت ئاو و سپرای بیبەر و گازی فرمێسکڕێژیان ڕشاندووە بەسەر خۆپیشاندەراندا.
هاوکات حکومەتی سوریا تانک و ئۆتۆمبێلی سەربازی و چەکی قورس بۆ دەوروبەری گەڕەکەکانی شێخ مەقسوود و ئەشرەفیە لە شاری حەلەب دەگوازێتەوە.
ئ.ه