شارپرێس:

دەستەی کەشناسی و بومەلەرزەزانی عێراق پێشبینی دەکات لە رۆژی یەکشەممەوە شەپۆلێکی بارانبارین ڕوو لە هەرێمی کوردستان و چەند پارێزگایەکی دیکەی عێراق بکات، دەشڵێت، تاکو سێشەممە بەردەوام دەبێت.

 دەستەی کەشناسی و بومەلەرزەزانی عێراق لەڕاگەیەنراوێکدا دەڵێت، رۆژی یەکشەممە، لە پارێزگاکانی دهۆک، هەولێر، سلێمانی، نەینەوا و باکوری دیالە باران دەبارێت، کە لەنێوان نمەباران و بارانی مامناوەند دەبێت.

لەبارەی کەشوهەوای رۆژی دوشەممە، کەشناسی باسی لەوەکردوە، بارانبارین لەناوچەکانی باکور ( هەرێمی کوردستان ) بەردەوام دەبێت، لە پارێزگاکانی سەڵاحەدین، بەغدا و باکوری ئەنبار ئەگەری لاوازی بارانبارین هەیە.

سەبارەت بە رۆژی سێشەممەش، پێشبینی دەکرێت لە چەند ناوچەیەکی شارەکانی ناوەڕاستی عێراق بەشێوەی نمەباران بۆ بارانی مامناوەند ببار‌ێت.