شارپرێس:

سەركردەیەكی دیارى قه‌ندیل په‌یامێكى گرنگى بڵاوكرده‌وه‌و ڕایده‌گه‌یه‌نێت، "گەریلا پێویستی بەیاسای لێبوردنی گشتیی نییە"، ده‌شڵێت، "پێویستە توركیا بیر لەیاسایەك بۆ ئازادیی بكاتەوە".

بەسێ هۆزات هاوسەرۆكی كۆما جڤاكێن كوردستان (كەجەكە) ڕایگەیاند، پارتی كرێكارانی كوردستان (پەكەكە) لەقۆناغێكی نوێدا بەردەوامدەبێت لەخەبات، چونكە ئەو پارتە دەستبەرداری خەباتی چەكداریی بوەو ستراتیژی سیاسەتی دیموكراتیی گرتوەتەبەر".

سه‌ركرده‌ دیاره‌كه‌ى قه‌ندیل جه‌ختده‌كاته‌وه‌، "سەركردەو گەریلاكانی پەكەكە تاوانیان نەكردوە كە توركیا لێبوردنیان بۆ دەربكات، بەڵكو پێویستە لەباڵاترین ئاستدا، یاسایەكیان بۆ ئازادی بۆ دەربكرێت، چونكە ئەوانەی دەگەڕێنەوە تەنها دەست بەخەباتی سیاسیی‌و دیموكراتی دەكەن".

له‌به‌شێكى دیكه‌ى په‌یامه‌كه‌یدا بەسێ‌ هۆزات وتویه‌تى، "ئەگەر توركیا پرسی كورد بەشێوەیەكی دیموكراتی چارەسەرنەكات، جارێكی دیكه‌ ڕوبەڕوی مەترسیی گەورە دەبێتەوە".

به‌سێ هۆزات ڕەخنەی لەپارتی گەلی كۆماری (جەهەپە)ش گرت كە ئامادەنەبوو بەشداریی دیداریی كۆمیسیۆن لەگەڵ عه‌بدوڵڵا ئۆجەلان بكات.