شارپرێس:
له‌خۆپیشاندانه‌كه‌ى ئه‌مڕۆى هه‌ولێر هێرشكرایه‌سه‌ر تیمى شارپرێس‌و ته‌واوى كه‌ره‌سته‌ى ڕۆژنامه‌وانییان لێ ده‌سه‌نرێت، په‌یامنێرى شارپرێس ده‌ڵێت، "جوێن‌و سوکایەتیه‌كى زۆر بەئێمەو ژمارەیەک لەڕۆژنامه‌نوسانى دیكه‌ش درا".
پاشا سه‌نگه‌ر په‌یامنێرى شارپرێس ڕایگه‌یاند، "دوای ئەوەی ئەمڕۆ خۆپیشاندان لەگوندی لاجان ئەنجامدراو ئێمه‌ش وه‌ك تیمى میدیایى شارپرێس چوینه شوێنى ڕوداوه‌كه، لەلایەن ھێزە ئەمنیەکانه‌وه ھێرشمانكرایه‌سه‌ر".
پاشا ده‌ڵێت، "سه‌ربارى هێرشه‌كه‌و ده‌ستبه‌سه‌راگرتنى کەلوپەلی ڕۆژنامەوانیمان، جوێن‌و سوکایەتیه‌كى زۆر بەئێمەو ژمارەیەک لەڕۆژنامه‌نوسانیش كرا، به‌ڵام به‌هه‌ر هه‌وڵێك بوو توانیمان كه‌لوپه‌له ڕۆژنامه‌وانیه‌كانمان وه‌ربگرینه‌وه".
سه‌باره‌ت به‌ژماره‌ى قوربانیانى خۆپیشاندانه‌كه‌ش، په‌یامنێرى شارپرێس ڕایده‌گه‌یه‌نێت، "به‌گوێره‌ى زانیارییه به‌ده‌ستهاتوه‌كان، تائێستا 12 كه‌س كوژراوو بریندارن"، ده‌شڵێت، "یه‌كێك له‌كوژراوه‌كان شۆفێرێكه كه خه‌ڵكى توركیایه".
ئه‌وه‌شى وت، "به‌گولـله 9 كه‌س برینداربون‌و سێ كه‌سیش كوژراون جگه له‌شۆفێره توركه‌كه، دوانه‌كه‌ى دیكه‌ش خه‌ڵكى سنوره‌كه‌ن‌و كوردن".
دوای ئەوەی دانیشتوانی گوندی لاجان لەچەند ڕۆژی ڕابردوو گردبوونەوەو داوای دامەزرادنیان دەکرد، دوای وەڵامنەدانەوەیان لەلایەن کۆمپانیای لانازەوە ئەمڕۆ خۆپیشاندان ئه‌نجامدراو گرژیی دروستبوو.
