شارپرێس:
تەیب تەمەل جێگری هاوسەرۆکی دەم پارتی ڕایگەیاند، چاوەڕێی ئیلهام ئەحمەد هاوسەرۆکی فەرمانگەی پەیوەندییەکانی دەرەوەی ئیدارەی خۆسەر دەکەن کە لە ڕۆژانی ٦-٧ی کانوونی یەکەمدا سەردانی تورکیا بکات.
دەم پارتی لە ٦و٧ی کانوونی یەکەمدا "کۆنفرانسی ئاشتی و کۆمەڵگەی دیموکراتیک" لە ئەستەنبوڵ بەڕێوەدەبات.
تەمەل سەبارەت بە کۆنفرانسەکە ڕایگەیاند، ئیلهام ئەحمەد هاوسەرۆکی پەیوەندییەکانی دەرەوەی ئیدارەی خۆسەریان بانگهێشت کردووە بۆ ئەم کۆنفرانسە .
دەشڵێت، "بانگهێشتنامەمان بۆ ئیلهام ئەحمەد ناردووەو ئێمە هەوڵ دەدەین بۆ ئەوەی بتوانێت بەشداری ئەم کۆنفرانسە بکات و لەگەڵ بەرپرسانی دەوڵەت قسە دەکەین.
ڕونیشیکردەوە، ئێمە پێمان وایە ئەم دیدارانە ئەنجامی ئەرێنییان دەبێت و هیوادارین ئیلهام ئەحمەد بتوانێت بێتە تورکیا و لەم کۆنفرانسەدا ئامادەبێت”.