شارپرێس:
بەپێی ئاژانسی ڕۆیتەرز، هێڵە ئاسمانییە جیهانییەکان خەریکی چارەسەرکردنی کێشەیەکی نوێن لە فڕۆکەکانی چۆری ئەیرباس A320، ئەمەش شڵەژانی لەنێو کەرتی گەشتیاری و هاتوچۆی ئاسمانیدا دروستکردووە بەتایبەت لەئاسیاو ئەوروپا.

کۆمپانیاکە داواکارییەکی خێرای ئاڕاستەی هیڵەئاسمانییەکان کردووە  بۆ 6 هەزار فڕۆکە کە زیاتر لە نیوەی ژمارەی فڕۆکەی جۆری A320ی کۆمپانیای ئەیرباسەو لە مێژووی 55 ساڵی ڕابردودا بێ وێنەبووه.

 ئەوە تەنها چەند هەفتەیەک دوای ئەوە دێت کە فرۆشی فڕۆکەی A320  بۆینگ 737ی تێپەڕاند.

هێڵە ئاسمانییەکان بە درێژایی شەوی ڕابردوو کاریان کرد بۆ جێبەجێکردنی پرۆسەی چاککردن و ئەبدەیتکردنەوەی پرۆگرامی ئەو فڕۆکانە کە ئەیرباس دەڵێت کێشە لەپرۆگرامەکانیاندا هەیە و دەبێت هەر فڕۆکەیەک پێش گەشتەکەی،  ئەبدەیتی پرۆگرامەکەی بکرێتەوە.

کۆمپانیای ئەیرباس داواکاری بەپەلەی بۆ 350 هێڵی ئاسمانی لە سەرانسەری جیهان ناردووەو ڕێنمایی هێڵە ئاسمانییەکان کراوە کە پێش دەستپێکردنەوەی گەشتەکانیان چارەسەری کێشەی پرۆگرامی فڕۆکەکان بکەن.

پێدەچێت ئەمەش هۆکار بێت لە دواکەوتنی گەشتەکان لە ئاسیا و ئەوروپا لە سەرەتای ڕۆژی شەممەدا.

لەکاتێکدا لە درەنگانی ڕۆژی دوای جەژن و پشووی ئەمریکا خواست لەسەر گەشتکردن زیاد دەکات.

سەرچاوەکان دەڵێن ئێستا کۆمپانیای ئەیرباس هێڵە ئاسمانییەکان ئاگادار دەکاتەوە کە چاککردنەوەی خێرا بۆ هەندێک لە فڕۆکەکانی A320 بکەن، ئەوەش ڕەنگە کەمتر قورس بێت لەوەی کە لە سەرەتادا بیری لێدەکرایەوە.

فڕۆکەکانی A320 ی ئەیرباس و بۆینگ 737 زۆرترین جۆری فڕۆکەن کە بۆ گەشتی مەودا کورت و ناوەند بەکاردەهێنرێن، لەگەشتەکانی فڕۆکەخانەکانی عێراق و هەرێمی کوردستان بەزۆری ئەم فڕۆکانە بەکاردەهێندرێن .

هێڵە ئاسمانییەکانی عێراقییە و فلای ئەربیل و فلای بەغداد زۆرینەی فڕۆکەکانیان لەم دووجۆرەن.

هێڵەکانی فلای دوبەی، عەرەبییە، قەتەری، تورکیش ئێرلاین، ئەنادۆڵو و پێگاسۆس، شاهانەی ئۆردنی، هێڵی میسری و لوبنانی، هێڵە ئەوروپییەکانیش لەگەشتەکانیان بۆ عێراق و هەرێمی کوردستان ئەم دوو جۆر فڕۆکەیە بەکاردەهێنن.

ئ.ح