شارپرێس:
بەرپرسێكی باڵای ئیسرائیل ئاشكرایكردوە، هێزەكانی ئەحمەد شەرع دەستیان لەو ڕوداوەدا هەیە كەلە شارۆچکەی بەیت جان لەدیمەشق ڕویداو 13 سەربازیان كوژران.
سەرچاوەیەکی باڵای ئەمنی ئیسرائیل بەكەناڵی i24 Newی ڕاگەیاند،" ڕوداوەکە دەیسەلمێنێت کە ئیسرائیل ناتوانێت ڕێگە بدات لایەنە دوژمنکارەکان لەنزیک سنورەکانی جێگیر بکرێن، هەروەها سوریا زۆر ناسەقامگیرە بۆ ئەوەی بەهیچ ڕێککەوتنێکی ئەمنی بەرەو پێشەوە بچێت".
ئاماژەی بەوەشکردوە، ئەو هەڕەشەیە هۆکاری ئەوە بەهێزتر دەکات کە ئیسرائیل دەڵێت ناتوانێت لەو ناوچانە بکشێتەوە کە کۆنترۆڵی دەکات".
ئەو بەرپرسە ئەوەش ئاشكرادەكات، كە هێزەکانی حکومەتی سوریا دەستیان هەبوە لە تەقەکردن لەسەربازەکانی لەکاتی ئۆپەراسیۆنی دەستگیرکردندا لەباشوری سوریا بەرەبەیانی زو هەینی ڕابردوو، بەوەش ناتوانن بێدەنگ بن و وەڵامیان دەبێت".
کەناڵەكە ئەوەشی بڵاوكردەوە، سوپای ئیسرائیل بیر لەگۆڕینی ستراتیژی خۆی دەکاتەوە لەباشوری سوریا بەکەمکردنەوەی دەستگیرکردنی مەیدانی و زیادکردنی پشتبەستن بەهێرشە ئاسمانییەکان بۆ دڵنیابون لەسەلامەتی سەربازەکانی دوای ئەو پێکدادانانەی لەگوندی بەیت جان ڕویدا.