شارپرێس
دەزگاى ئاسایشی هەرێم
دەستگیرکردنى بازرگانێکى مادەى هۆشبەرى بە زیاتر لە سێ کیلۆ مادەى هۆشبەرەوە
ڕاگەیاند، ئەو بازرگانە لە سنورەکانی نێوان ووڵاتانی عێراق و سوریا کاری بازرگانی
ماددەی هۆشبەری کردووە.
لە ڕاگەیەندراوێکدا،
دەزگاى ئاسایشی هەرێم بڵاویکردەوە، بەڕێوەبەرایەتی گشتی ئۆپراسیۆنەکانی ئاسایش، بەهەماهەنگی
بەڕێوەبەرایەتی نەهێشتنی ماددە هۆشبەرەکان و دەزگای ئاسایشی نیشتمانی عیراق، دوای
وەرگرتنی فەرمانی دادوەر و کۆکردنەوەی زانیاری هەواڵگری وورد لەسەر بوونی بازرگانێکی
ماددەی هۆشبەر لەسنوری ئیدارەی ڕاپەڕین، لە ٢٠٢٤/٥/٤ توانرا تۆمەتبار (ئ ، م ، ح)دەستگیربکرێت
و لەکاتی دەستگیرکردنیدا دەستبەسەر بڕی ( سێ کیلۆ گرام و نیو )ماددەی هۆشبەر و چەندین
پارچە چەکی تۆمەتباردا گیرا.
وەک لە
ڕاگەیەندراوەکەدا هاتووە، ئەم بازرگانە لە سنورەکانی نێوان ووڵاتانی عێراق و سوریا
کاری بازرگانی ماددەی هۆشبەری کردووە و لە هەفتەی ڕابردوودا پاش ئەوەی بڕێکی زۆر
ماددەی هۆشبەر دەنێرێت بۆ شاری (بغداد) دەستیبەسەردا دەگیرێت.
ئەوەشخراوەتەڕوو، تۆمەتبار
لە ڕابردوودا چەندین جار لەهەوڵی دەستگیرکردنیدا بەچەک ڕووبەڕوی هێزە ئەمنییەکان بۆتەوە
و هەڵاتووە، لە ئێستادا بە بڕیاری دادوەری لێکۆڵینەوەی ئاسایش بە ماددەی (٢٥)لە یاسای
بەرەنگاربوونەوەی ماددە هۆشبەرەکان دەستگیرکراوە لێکۆڵینەوە لە کەیسەکەی بەردەوامە.