شارپرێس

١٠٢ خێزانى ئاواره‌ گه‌ڕ‌انه‌وه‌ بۆ شه‌نگال و بۆ هه‌ر خێزانێك چه‌كێكی بانكیان وه‌رگرت به‌ بڕ‌ی چوار ملیۆن دینار، به‌گوێره‌ی بڕ‌یاری ئه‌نجومه‌نی وه‌زیرانیش پارچه‌ زه‌وییه‌كیشیان پێده‌درێت و میدیاى یەکێتیش دەڵێت: حکومەتى هەرێم ڕێگرى دەکات لە گەڕانەوەیان.

سایتى فەرمى یەکێتى بڵاویکردەوە، سه‌رباری رێگرییه‌كانی حكومه‌تی هه‌رێم بۆ گه‌ڕ‌انه‌وه‌ی ئاواره‌كانی شه‌نگال له‌كامپه‌كانی هه‌ولێر و دهۆك بۆسه‌ر زێدی خۆیان، ١٠٢ خێزانى ئاواره‌ گه‌ڕ‌انه‌وه‌ بۆ شه‌نگال و بۆ هه‌ر خێزانێك چه‌كێكی بانكیان وه‌رگرت به‌ بڕ‌ی چوار ملیۆن دینار، به‌گوێره‌ی بڕ‌یاری ئه‌نجومه‌نی وه‌زیرانیش پارچه‌ زه‌وییه‌كیشیان پێده‌درێت و داده‌مه‌زرێندرێن و سه‌رچاوه‌ی بژوێیشیان مسۆگه‌ر ده‌كرێت.

وه‌زاره‌تی كۆچ كۆچبه‌رانی عیراقه‌وه‌ هه‌وڵی گه‌ڕاندنه‌وه‌ی ئاواره‌كان ده‌درێت بۆسه‌ر زێدی خۆیان و بۆ ئه‌و كاروانه‌ی گه‌ڕ‌اونه‌ته‌وه‌ ٤٠٨ ملیۆن دیناریان به‌چه‌ك پێده‌درێت.

ئیڤان جه‌برۆ، وه‌زیری كۆچ و كۆچبه‌ران له‌سه‌ر رێگری گه‌ڕانه‌وه‌ی ئاواره‌كانی دهۆك و هه‌ولێر بۆ سه‌رزێدی خۆیان سكاڵای یاسایی له‌سه‌ر سه‌رۆك وه‌زیران و وه‌زیری ناوخۆی حكومه‌تی هه‌رێم تۆمار كردووه‌.

وه‌زیری كۆچ و كۆچبه‌رانی عیراق له‌كۆنگره‌یه‌كی رۆژنامه‌نوسیدا وتی: رێگریم لێكرا بچمه‌ هه‌رێمی كوردستان و كامپی ئاواره‌كان، داوای ئه‌وه‌ده‌كه‌ن سكاڵاكه‌م له‌دادگای فیدراڵی بكێشمه‌وه‌، به‌ڵام نایكێشمه‌وه‌.

حكومه‌تی عێراق جەختدەکاتەوە لە گەڕانەوەى هەموو ئاوارەکان و بڕ‌یاریداوه‌ تا کۆتایی مانگى حوزەیران سه‌رجه‌م ئاواره‌كان له‌ كه‌مپه‌كانی هه‌رێمی كوردستان بۆ زێدی خۆیان بگەڕێنەوە.