بەدرێژایی مێژوو ئافرەت بەر تووندوتیژی و رقلێبوونەوە
و ڕەتکردنەوە و گێچەلپێکردن «تحرش» بوونەتەوە ، گێچەڵ بریتیە لەوەی کەسێک پێگەی خۆی
بۆ پڕدانی کەسانی تر بەکاربهێنێت ، دەیان لە فەیلەسوف و هزرمەند و ئەدیبی گەورە ڕقیان
لە ژن بوو هەر لە ئەفڵاتون و ئەرستۆ و نیتشە و شۆپنهاوە تا دەگاتە برنادشۆ و تشرشەل
و… تاد ، هەروەها ژن لەلایەن سەدان لە ئەکتەر و هونەرمەندی ناودار و بەرپرسانی دامەزراوەکانی
خۆرئاوا دووچاری گێچەڵی سێکسی بوونەتەوە ، ئەگەر پێشتر ئافەرەت لە ترسی ئابڕوو و شەرمەوە
بێدەنگی هەڵدەبژارد بەڵام ئیستا دۆخەکە گۆڕاوە و سکاڵا تۆمار دەکات لەهەر سکالایەکیش
ملیۆنەها دوڵار دەباتەوە و گێچەلکاریش ڕیسوا و دووردەخریتەوە لە کارەکەی ، جیاوازی
کلتووری تەنگوچەلەمەیەکی ڕاستەقینەیە لەو بۆشایەی کە پێی دەڵێن گێچەڵ ، وادیارە
ئافرەت تەنگوچەلەیە لە هەموو کۆمەڵگایەکدا ، دەگۆڕیت بەگۆڕانی هەمەڕەنگی کۆمەڵگاکان
و پێشکەوتنەکەی تەنگوچەلەمەی ئافرەتی ئەوروپی
جیاوازە لەگەڵ ئافرەتی ئەمریکی و ئەفریقی
و ئاسیایی ، دۆخی ژن دەگۆڕت بەپێی گۆڕانی
کۆمەڵگاکان و ، لەکۆمەڵگەی خۆرهەڵاتی ئافرەت دوودڵە لە ئیعلانکردنی ئەو تەنگپێهەڵچنینانەی
کە لەلایەن هاوڕێی کار یان بەرپرسەکەی تووشی دەبن ، بەڵام واخەریکە ئەو دوو دڵیە
نامێنێت ، من چەندجار لە تەلەفزیون بینیوەمە کچ سکاڵای لە کاسان کردووە کە هەڕەشەی
بڵاوکردنەوەی وێنەکانی کردووە و گێچەڵفرۆش چارەنووسی بەندینخانە بووە دیارە ڕاگەیاندن
ئامادەیە بۆ یارمەتیدان !! بەهەمان شێوە لای هەندێک کەس ژن زۆر بەکەم سەیر دەکرێن
و دەبێت هەر لەبەندینخانەی ماڵەوەبن، من چەندان نوسەر و هونەرمەند و مامۆستای زانکۆ
دەناسم لەبەر ڕقلێبوونەوە لە ئافرەت هاوسەرگیریان پێکنەهێناوە و پێیان وایە کە ژن
بەربەستە بۆ ئازاد-یان ئەوان وایدەبینن کە باڵندەیەکی ئازادە و لە بەندینخانەی قەفەزی
هاوسەرگیری لەعنەتی ڕزگاری بووە و ، چێژ لە ئازادی خۆی وەردەگرێت و ، هەمیشە ئەوانەی
ڕقیان لە ژنە ئەو قسەیە تەنزئامێزەی گەورە ئەدیب و فەیلەسوفەکان دووبارە دەکەنەوە
کە نووسیوویانە و دەڵێن : (کاتێک پیاو لەدایک دەبێت بێهۆکار دەگریێت و…دوای هاوسەرگیریی
هۆکارەکەی دەزانێت و ئەگەر خۆشەویستی پاڵنەری هاوسەرگیری بێت ئەمە وەک نەخۆشیەکی
جوانی بۆماوەییە و بەسەکتەی هاوسەرگیری کۆتایی دێت ) ، تشرشل پێی وابووە کە ئافرەت
مافی ئەوەی نیە ببێتە ئەندام لە پەرلەمان « مجلس العموم» ، ڕۆژێکیان لە ئاهەنگێکی ڕەسمیدا
یەکێک لە یاریدەدەرانی بە هەناسەبڕکێوە خۆیگەیاندە تشرشەل و پێی گووت : هەندێک لەچالاکوانی ژن خۆیان
بە ئاسنەکانی پەرلەمان بەستۆتەوە و ڕایانگەیاندووە کە لەوێ دەمێنن تا « مافی دەنگدان
» بەدەستدێنن ، تشرشل وەڵامێکی گاڵتەجاڕی خێرای دایەوە : ئێستا لەسەر پیاوە خۆی بەدەروازەی نەخۆشخانەی سان تۆماس« منداڵبوون»
ببەستیتەوە و ڕایبگەیەنێت کە ناجوولێت تا کوڕیکی لەدایک نەبیێت ، بەڵام دوای « 50»
ساڵ ژنێک « تاتشەر» سیاسەتمەداری بەناوبانگ لە شوێنی تشەرشل بووە سەرەک وەزیرانی بەریتانیا
، هەر لەم چەند ڕۆژانەی ڕابردوودا زۆرێک لەناو پارتی کۆماری ئەمەریکی و ڕاپرسیەکان
و ڕۆژنامە و ڕاگەیاندن داوایان لە جۆ بایدن-ی سەرۆکی ئەمەریکا کردووە کە خۆی بکێشتەوە
لە پێشبڕکێی سەرۆکایەتی و پالێوراوێکی تر جێگەی بگرێتەوە هەمووی ڕەتکردۆتەوە و ، تاکەکەس کە دەتوانێت ڕازی
بکات کە واز لە سیاسەت بێنیت « جیل» ژنەکەیەتی ، پسپۆران پێیان وایە کە ڕۆلی « ژن»ی
سیاسی تەنها ڕێوڕەسمە و تەدەخولی سیاسەت ناکات ، بەڵام ئەزموونی جیل لەگەڵ بایدن سەلماندی
کە ژن ڕۆلیکی گرنگی هەیە و ئەوە ئەوە ڕێگەنادات مێردەکەی بکشێتەوە ، لەو سەردەمەی
ئێستاماندا ئافرەت لە خۆرهەڵات و خۆرئاوا ستەمی لێکراوە ، پەرلەمانی ئەوروپا ڕاسپاردنی
دەرکرد بە فێرکردنی ژن تا ڕزگاریبکات لە ئافرەتی سێکسی بۆ ئافرەتی مرۆیی و ، كارکردن ، تا ڕزگاریبکات لە کۆیلایەتی ئابووری
مێرد ، پشتگیریکردن لە ئازادی ئافرەت و نەهێڵانی تەنگپێهڵچنین و ڕەتکردنەوەی تووندوتیژی
بەرانبەریان تەنها بە درووشم و گووتار و چاڵاکی و ڕاسپاردە نابێت وەک ئەوەی ئێستا ئێمە لە هەرێمی کوردستان
دەیکەین و دەبێت دەسەڵات بەها و ژیانی ژن بە کردەیی بەرز ڕابگرێت .
ئەم وتارە دەربڕی بۆچونی نووسەر خۆیەتی