ئەوە شیعەکانی عێراق سەرۆک وەزیرانی خۆیان دیاری
کرد ، وەکو تێبینی دەکرێت خۆرهەڵاتی ناوەڕاست بەهۆی شەڕی ئەمریکا و ئێران وئیسرائیل
لەلێواری گۆڕانکاریدایە، دەوڵەتانی ناوچەکە و جیهان لە چاوەڕوانی ئەگەری ئەو گۆڕانکاریەدان، کەچی سەر
کردایە تی ئەحزاب لە هەرێمی کوردستان هێزی بیرکردنەوەیان توانای تێپەڕاندنی ئەو دۆخە
چەق بەستوەیان نیە و هەمووشت بەگیرو گرفت دەکەن، نە دەتوانن پەرلەمان کارا بکەنەوە
و حکومەت پێکبهێنن نەدەتوانن هەڵبژاردن بکەینەوە،
ئەم دۆخە جگە لەوەی بەردەوامبوونی کاریگەری خراپی لەسەر ئاسایش و ئابووری هەرێم دە بێت لە چاوی جیهانیشدا پرۆسەی سیاسی هەرێم دەباتە بەردەم پرسیارێکی جدیەوە
و پێمان دەڵێن ئایا ئێوە توانای بەڕێوەبردنی خۆتانتان هەیە؟ ئەمە پرسیارێکی مێژووی
ماندوکەرە ! بۆیە وەڵامی ئەم پرسیارە تاقیکردنەوەیەکی
قورسە بۆ سەرکردایەتی سیاسی هەرێم و ئەحزابی کوردی . کەواتە
دەبێت بە دیدێکی هاوبەش وەڵامی ئەوپرسیارەبدەنەوە و داهاتوویەکی جێگیر بۆ هەرێم دەستەبەربکەن و پەلەبکەن لە تێپەڕاندنی ئەم قۆناغە هەر وەکو چۆن
بە پەلە پیرۆزبایی لە کاندیدی سەرۆک وەزیرانی عێراق دەکەن ئاواش پەلە بکەن بۆپیرۆزبایی لە خەڵکی کوردستان
لەپێکهێنانی کابینەی دەیەم ، ئەویش تەنها دوڕێگامان لە بەردەمدایە بۆ تێپەڕاندنی ئەم دۆخە چەق بەستوە :.
٠١ پێکهێنانی کابینەی دەهەمی حکومەتی بنکە فراوان
،بۆسەرکەوتنی لە هەنگاوی یەکەمدا دەکرێت هەر
حزبێک کەمێک لە داخوازییەکانی خۆی بێتە خواراوە لە پێناو بەرژەوەندی گشتی و سەر کەوتنی
پرۆسەی پێکهێنانی کابینە ، ئەمەڕێگا دروستە کەیە.
٠٢ یان هەڵبژاردن بکرێتەوە و جارێکی دیکە بگەڕێینەوە بۆ دەنگی
گەل .هەر چەندە گەل متمانەی لاواز بوە بە پرۆسەی
دەنگدان بەڵام بۆچارەسەر ی هەر کێشە یەک و
سەر کەوتنی هەر پرۆسەیەک تەنها گەڕانەوە بۆ گەل ڕێگا ڕاستە کەیە. لێرەدا دەبێت حیزبەکان
بیرۆکەی تیۆری گەمەی صفری لە خەیاڵدانی خۆیان بسڕنەوە ، بۆ ئەوەی نەچینە ڕێگای سێهەم
چونکە
ڕێگای سێهەم واتە کرانەوەی دەرگا ترسناکەکان بەڕوی هەرێمدا . هیوادارم پارتی
و یەکێتی دەرفەت نەدەن ڕێگای سێهەم ببێتە ڕێگامان چونکە ڕێگای سێهەم وەک گەمەی مارو
پەیژە وایە ئێمە دەڕۆینەوە بەر دەم زمانی ژەهراوی مارەکە .
بەداخەوە ئەوەی دەیبینین لەهەڵوێستی ئەحزاب بۆچارە سەری گرفتەکان زۆر خەم ساردن
ودەڵێی نەبایان دیوە نەبۆران .
ئەم وتارە دەربڕی بۆچونی نووسەر خۆیەتی