ٍشارپرێس:
کەشناسی هەرێم ڕایدەگەیەنێت "لە ئێستادا
ناتوانن پێشبینی کەشوهەوای ڕۆژانی نەورۆز بکەن".
بژار ئەكرەم لێپرسراوی بەشی پێشبینی لە
بەڕێوەبەرایەتی گشتی كەشناسی و بومەلەرزانەی هەرێمی کوردستان لەبارەی پێشبینی کەشوهەوای
ڕۆژانی نەورۆزەوە بە وێبسایتی ناس کورد-ی ڕاگەیاندوە "ناتوانرێت لە ئێستادا پێشبینی بۆ كەشوهەوای
ئەو ڕۆژانە بکرێت، “بەهۆی ئەوەی گۆڕانکارییەکانی کەشوهەوا لەم وەرزەدا زۆر خێران و
لە ماوەی 24 بۆ 48 کاتژمێردا ڕوودەدەن".
بژار ئەكرەم ئاماژەی بۆ ئەوەداوە "ڕۆژی سێشەممە
پێشبینییەکانیان تایبەت بە ڕۆژانی نەورۆز بڵاودەکەنەوە".
ئەوەش لە کاتێکدایە لە چەند ڕۆژێکە شەپۆلێکی
سەرما و بارانبارین شارە جیاوازەکانی هەرێمی کوردستانی گرتووەتەوە، بەپێی ڕاگەیەندراوێکی
کەشناسی "ئەمڕۆ یەکشەممە بارانبارین لە شارەکانی هەولێر، سلێمانی، دهۆک و کەرکوک بەڕێژەی
جیاواز بەردەوام دەبێت".