شارپرێس:
ئه‌ندامێكی په‌رله‌مانی عێراق رایگه‌یاند، عادل عەبدولمەهدی، سەرۆک وەزیرانی عێراق بڕیاری خەرجکردنی مووچەی چوار مانگی ئه‌مساڵ پێشمەرگەی دەرکردووه.
ناسر هه‌ركی، ئەندامی لیژنەی ئاسایش و بەرگریی پەرلەمانی عێراق له راگه‌یه‌ندراوێكدا رایگه‌یاندووه، ''عادل عەبدولمەهدی، سەرۆک وەزیرانی عێراق و وەک وەزیری بەرگریی عێراق بە وەکالەت بڕیاری خەرجکردنی مووچەی چوار مانگی هێزەکانی پێشمەرگەی واژۆکردووه".
راشیگه‌یاندووه، "بڕی پاره‌كه له 1/1/2019 تا ئێستا 816 ملیار دیناره و پارەکە لەلایەن وەزارەتی دارایی عێراقەوە خەرجدەکرێت.
ه.م