.jpg)
شارپرێس:
شانەی راگەیاندنی ئەمنی عێراق رایگەیاند کە دەزگای ئاسایشی نیشتمانی عێراق سەرپەرشتی گەڕانەوەی ٦٠ ئێزیدی دەکات بۆ قەزای شەنگال ، کە لە کامپی نەورۆزی رۆژئاوای کوردستان بوون .
شانەکە لەبەیاننامەیەکدا رایگەیاندووە " دەزگای ئاسایشی نیشتمانی سەرپەرشتی گەڕانەوەی ١٢ خێزانی ئێزیدی دەکات کە ژمارەی ئەندامانیان ٦٠ کەسە ولە کامپی پەنابەرانی نەورۆز بوون لە رۆژئاوای کوردستان و دەگەڕێنرێنەوە بۆ شوێنەکانی خۆیان لە قەزای شەنگال ، ئەوەش دوای ئەوەی لەساڵی ٢٠١٤ بەهۆی هێرشی چەکدارانی داعشەوە ناوچەکانی خۆیان بەجێهێشتبوو".
هەروەک لەبەشێکی تری بەیاننامەکەدا هاتووە کە لێکۆڵینەوە لە بەڵگەنامە فەرمییەکانیان و جەختیش لە سەلامەتی هەڵوێستی ئەمنیان کراوە .
سەرەتای ئەم مانگەش دەزگای ئاسایشی نیشتمانی عێراق سەرپەرشتی گەرانەوەی ٧٠ کەسی تری لە کەمپی نەرۆزەوە کرد بۆ ناو خاکی عێراق .
وەرگێران: ئاکۆ عەبدوڵلا ئاڵی