شارپرێس:
لەئەنجامی ئۆپراسیۆنێکی سەربازی هێزەکانی ئەنجومەنی
سەربازی دیڕەزۆری سەر بە هەسەدە، چەکدارێک کوژرا و سیانی دیکەش برینداربون، کە
گومان دەکرێت چەکداری داعش بن.
ئەنجومەنی سەربازیی دێرەزۆر لەڕاگەیەنراوێکدا
ئاماژەی بەوەکرد،" گروپێکی تیرۆرستی کە گریمانەی ئەوەدەکرێت سەر بە چەتەكانی
داعش بن، دوێنێ ئێوارە هێرشیان کردوەتە سەر چوار شەڕڤانی ئەنجومەنەکە ".
ئەوەشیخستەڕوو، هێرشەکە لە شارۆچکەی حەوایجی
ڕۆژهەڵاتی دێرەزۆر ئەنجامدراوە، کاتێک هەر چوار شەڕڤانەکە بە مەبەستی وەرگرتنی
چارەسەر دەچونە دەرمانخانە.
ئەنجومەنی سەربازی دێرەزۆر باسی لەوەشکرد،" هێزەکانمان
ئۆپەراسیۆنێکی سەربازیی کاریگەریان دەستپێکردوە و لەئەنجامدا چەکدارێک کوژراوە و
سیانی دیکەش برینداربون ".
محەمەد سەردار