شارپرێس:
لەقەزای شێخانی سەر بەپارێزگای دهۆک سێ کەس لەناو تانكەرێكی گاز توشی هەناسەتەنگی بون و بەهۆیەوە گیانیان لەدەستدا.
سەردار شێخ یەحیا، قائیمقامی قەزای شێخان لەلێدوانێکدا ئاماژەی بەوەکرد، سێ کەس لەکاتی پاککردنەوەی تانکەرێکی گاز توشی هەناسەتەنگی بون و دەستبەجێ گیانیان لەدەستدا.
ئەوەشیخستەڕوو، ئەو سێ کەسەی گیانیان لەدەستداوە دوانیان باوک و کوڕن، ئەوەی دیکەش کەسێکی ناسیاویانە.