شارپرێس:
لەبەیاننامەیەکدا ئەمریکا و ئیسرائیل و سوریا ڕایانگەیاند، سەرکردایەتی ترەمپ لە ڕۆژهەڵاتی ناوەڕاست بووەتە هۆی ئەوەی کە گفتوگۆی بەرهەمدار لە نێوان ئیسرائیل و سوریادا بکرێت.
لەبەیاننامەکەدا هاتووه، لە دانوستانەکانی پاریس لەسەر ڕێزگرتن لە سەروەری و سەقامگیری سوریا و ئاسایشی ئیسرائیل قسەکراوە.
دەشڵێن، ئیسرائیل و سوریا لە دانوستانەکانی پاریسدا گەیشتنە چەند لێکتێگەیشتنێک.
بەگوێرەی بەیاننامە هاوبەشەکە، ئیسرائیل و سوریا بڕیاریان دا میکانیزمێکی هەماهەنگی هاوبەش دابمەزرێنن، کە ئامانجی ئاسانکارییە بۆ هەماهەنگی و ئاڵوگۆڕی هەواڵگری و کار بۆ کەمکردنەوەی پەرەسەندنی سەربازی دەکات.
ڕونیشیکردەوە، میکانیزمی هەماهەنگی هاوبەشی نێوان سوریا و ئیسرائیل کاردەکات بۆ ڕێگریکردن لە لێکتێگەیشتنی هەڵەو سوریا و ئیسرائیل هەوڵدەدەن لاپەڕەیەکی نوێ لە پەیوەندییەکانیاندا بکەنەوە.