بازنەی خۆپیشاندانەکان لەناوچەداگیرکراوەکانی ڕۆژئاوای کوردستان دژی هێزەکانی تورکیا فراوانتر بوو، پێکدادانی چەکداری لەنێوان خۆپیشاندەران و پۆلیسی سەربازی تورکیا ڕوویداو بریندار لەڕیزی خەڵکی سڤیلدا هەیە.
ئەم خۆپێشاندانانە لەلایەن خەڵکی سنوورەکە ڕێکخراون لەکاردانەوە بە پراکتیزەکردنی سیاسەتی ڕەگەزپەرستانە لەدژی پەنابەرانی سووریایی لە تورکیا و هەڵمەتی ڕاگواستنی زۆرەملێ و هێرشکردنە سەر موڵک و ماڵی هاووڵاتیانی سنوورەکەیە.
ڕوانگەی سوری بۆ مافەکانی مرۆڤ دەڵێت، کەمێک لەمەوبەر، دەیان هاوڵاتی لە بازنەی شاری ڕاعی کۆبوونەتەوە بۆ ڕێگریکردن لە هاتنە ژوورەوەی کاروان و بارهەڵگرەکانی بازرگانی تورکیا، هاوکات داوای خۆپیشاندانی بەرفراوان لە دەروازەی سنووری باب ئەلسەلامە دەکرێت بۆ ئیدانەکردنی پێشێلکارییەکانی دژی پەنابەرانی سوریا لە تورکیا.
هاوکات گەنجان پۆستەخانەی تورکیایان لەشارەکانی ڕاعی و عەزاز داخست کارمەندەکانیان دەرکردن و ئاڵای تورکیا هێنرایە خوارێ.
لەنێوەڕاستی شاری عەفرینیش خۆپێشاندەران هەڵیانکوتایە سەر بنکە و بارەگای سوپای تورکیا و تادێت گرژی و ئاڵۆزییەکان زیاتردەبن.