شارپرێش:

بەڕێوەبەرایەتی کەشناسی هەرێم پێشبینییەکانی خۆی بۆ کەشوهەوای ئەمڕۆ و سبەی بڵاوکردەوەو دەڵێت، سبەینێش لەناوچە سنورییەکان ئەگەری نمەباران هەیە.

بەڕێوەبەرایەتی کەشناسی و بومەلەرزەزانی هەرێم لەڕاگەیەنراوێکدا ئاماژەی بەوەکرد،" ئەمڕۆ هەینی، ئاسمان لە نێوان نیمچە هەور و هەوری تەواو دەبێت، نمە باران و بارانی مامناوەند بە پچڕپچری لەزۆربەی ناوچەکان بەردەوامی دەبێت، بەتایبەت لەسنوری پارێزگای سلێمانی و ئیدارەی سۆران و هەندێک لە ناوچەکانی ڕۆژهەلاتی هەرێم کاریگەری دابارین زیاتر دەبێت و لە هەندێک کاتدا هەورە بروسکەی لەگەڵ دەبێت، لە ئێوارەدا کاریگەری بارانبارین لەسەر ناوچەکەمان لاواز دەبێت".

ئەوەشیخستەڕوو، ئەمڕۆ پلەکانی گەرما بە ( 1 - 2 ) پلە نزمتر دەبێت بەراورد بە تۆمارەکانی دوێنێ.

سەبارەت بە کەشوهەوای سبەی شەممە، کەشناسی هەرێم باسی لەوەشکرد،" ئاسمان بە گشتی نیمچە هەور دەبێت , لە ناوچە شاخاوییەکان و ناوچە سنووریەکان ئەگەری بارینی کەمێک نمە باران هەیە ".

بەپێی پێشبینییەکانی کەشناسی، سبەینێ پلەکانی گەرما نزیک دەبێتەوە لە تۆمارەکانی ئەمرۆ .

بەرزترین پلەکانی گەرمای پێشبینیکراوی ئەمڕۆ بە پلەی سیلیزی:
هەولێر: 28 پلەی سیلیزی
سلێمانی: 24 پلەی سیلیزی
دهۆک: 27 پلەی سیلیزی
هەڵەبجە:28 پلەی سیلیزی
سۆران : 27 پلەی سیلیزی
پیرمام: 23 پلەی سیلیزی
چەمچەماڵ: 26 پلەی سیلیزی
زاخۆ: 30 پلەی سیلیزی
ئاکرێ: 27 پلەی سیلیزی
گەرمیان: 33 پلەی سیلیزی
حاجی ئۆمەران: 20 پلەی سیلیزی