شارپرێس

بەڕێوەبەرایەتى هاتوچۆى سلێمانى بڕیاریدا لە ڕۆژانى هەینیدا هاتوچۆى ئۆتۆمبێلى بارهەڵگر لە بەیانییەوە تا ئێوارە لە چەند ڕێگایەک قەدەغەبکات.

بەڕێوەبەرایەتیی هاتوچۆی سلێمانی بڵاویکردەوە، بڕیارمانداوە لە رۆژانی هەینیدا  لە کاتژمێر 7:00ی بەیانی بۆ 7:00 ی ئێوارە هاتوچۆی بارهەڵگرەکان لە رێگای دوکان ـ سلێمانی وە بە پێچەوانەوە، ‎رێگای قەرەداغ.

هەروەها، شەقامی هەواری شار بۆ تونێلی پێشڕەو، رێگای سەرجەم ئەو سەیرانگایانەی لە سنووری شارەزووردان قەدەغەبکرێت.

ئەوەشخراوەتەڕوو، سەرجەم مەفرەزەکان و بازگەکان و قەزای ناوەند هەڵدەستن بەکاری چاودێریی و لێپرسینەوە لەو شۆفێرانەی پابەندی ئەم بڕیارە نابن.

داوا لە شۆفێرانی بارهەڵگر دەکات، پابەندبن تا بەدووربن لە کارەساتەکانی هاتووچۆ و لە لێپرسینەوەی یاسایی.