شارپرێس:
وەازرەتی دارایی عێراق و وەزارەتی نەوتی عێراق لەنوێترین پێشهاتەكاندا داوایان لەهەرێم كردووە تەواوی نەوتەكەی ڕادەست بكات، تا گرفتی ناردنی پارەی موچە چارەسەر ببێت.

سەرچاوەیەكی تایبەت بە شارپرێسی ڕاگەیاند، وەزارەتی نەوتی عێراق و وەزارەتی دارایی كۆبونەوە و هاوڕابون لەسەر ڕادەستكردنی تەواوی نەوتی كوردستان بە كۆمپانیای سۆمۆ بۆ ئەوەی گرفتی جێبەجێنەكردنی ڕێككەوتنەكان دروست نەبێتەوە".

سەرچاوەكە وتیشی،" بەغدا سورە لەسەر ڕادەستكردنی  لەسەدا پەنجای داهاتی نانەوتی و تەوتین كردنی موچەی موچەخۆرانی هەرێم".

ئەوەشی بۆ شارپرێس ئاشكراكرد، هەموو فشارەكان بەو ئاڕاستەیەن و ئامانجیان ئەوەیە لەمساڵدا گرفتی موچە و بودجەی هەرێم لە چوارچێوەی دەستور و یاساكاندا ڕێكبخرێت".

ئەمە لەكاتێكدایە، زیاتر لە دوو مانگە موچەخۆرانی هەرێم موچەیان وەرنەگرتوە و حكومەتی هەرێمیش دەڵێت، بۆ دابەسكردنی موچە چاوەڕوانی بەغدان.

ش.ح