شارپرێس:
وتەبێژی وەزارەتی پەروەردەی حکومەتی هەرێم ئاشكرایكرد، بڕیارە بەبەهای پێنج ملیار دینار کارەبای هەموو ناوه‌نده‌كانى بکرێتە وزەی خۆر، بەڵام چەند ڕێکارێکی ئیداریی ماوە بۆ خەرجکردنی ئەو بڕە پارەیە.
سامان سیوەیلی وتەبێژی وەزارەتی پەروەردەی حکومەتی هەرێم ئاشكرایكردوه، ئەنجومەنی وەزیران ڕەزامەندیداوە بەبەهای پێنج ملیار دینار لەداهاتودا کارەبای سه‌رجه‌م ناوه‌نده‌كانى خوێندن بکرێنە سیستمی وزەی خۆر، بەڵام هەندێ ڕێکاری کارگێڕیی ماوە بۆ خەرجکردنی پارەکەو قۆناغ بەقۆناغیش جێبەجێدەکرێت.
ڕونیشیكرده‌وه، "لەم چەند ڕۆژەدا بەپاڵپشتی ڕێکخراوی یونسێف، حەوت ناوه‌ندى خوێندن وزەی خۆریان بۆ دابینکراوه، بەمەش کۆی ئەو ناوه‌ندانه‌ى پشت بەوزەی خۆر دەبەستن، دەبێتە 127 ناوه‌ندى خوێندنى حکومیی".
لەهەرێمی کوردستان ژمارەی ناوه‌نده‌كانى خوێندن نزیکه‌ى شەش هەزارو 800 قوتابخانەیە.