شارپرێس:

ئیمانوێل ماكرۆن سه‌رۆكى فه‌ره‌نسا ڤلادیمێر پوتن سه‌رۆكى ڕوسیا به‌(ده‌عباو دێوێكى دڕنده‌) ناوده‌بات، وته‌بێژى وه‌زاره‌تى ده‌ره‌وه‌ى ڕوسیاش وه‌ڵامێكى توندى ده‌داته‌وه‌و ده‌ڵێت، "ئێوه‌ دڕنده‌ن‌و ماكرۆنیش شایستەی سەرۆکایه‌تى وڵاتێکى وه‌ك فه‌ره‌نسا نییە".

دوێنێ هه‌ینى، ئیمانوێڵ ماكرۆن باسى له‌ڤیلادیمێر پوتن كردو وتى، "ده‌عبایه‌كى (ogre) دڕنده‌ له‌به‌رده‌م ده‌رگاكانمانه‌و به‌دواى نێچیر ده‌گه‌ڕێت"، ئه‌و وه‌سفه‌ى ماكرۆن ڕوسیاى توڕه‌كرد، ڕاسته‌وخۆ ماریا زاخارۆڤا وته‌بیژى وه‌زاره‌تى ده‌ره‌وه‌ى ڕوسیا وه‌ڵامیدایه‌وه‌.

زاخارۆڤا وتى، "ئه‌و شێوازه‌ بۆ سه‌رۆكى ده‌وڵه‌تێك شیاو نییه‌، لێدوانه‌كانى ماكرۆن سه‌یرن‌و سنورى شیاوى خۆى ده‌به‌زێنێ بۆ ئاستى نزمی سوكایه‌تى دژ به‌ڕوسیاو گه‌له‌كه‌ى".

زاخارۆڤا-ش فه‌ره‌نسا به‌وه‌ تۆمه‌تبارده‌كات چه‌كى به‌ئۆكرانیا داوه‌و پێشتریش پشتگیریى كوده‌تاى ئۆكرانیاى كردوه‌ له‌2014، ئه‌وه‌شى وت:"بۆیه‌ به‌ڕاستى فه‌ره‌نسا دڕنده‌ى ڕاسته‌قینه‌یه‌ نه‌ك فه‌ره‌نساو پوتن".

له‌وباره‌یه‌وه‌ فریدریش میرتس ڕاوێژكارى ئه‌ڵمانیا داكۆكى له‌لێدوانه‌كه‌ى ماكرۆن ده‌كات‌و ده‌ڵێ، "ماكرۆن باسى شتێكى كردوه‌ كه‌ هه‌مومان هه‌ستى پێده‌كه‌ین".

به‌یانى ئه‌مڕۆش سه‌رۆكایه‌تى كۆشكى كرملین ڕاگه‌یه‌نراوێكى بڵاوكردوه‌ته‌وه‌و نوسیویه‌تى، "قسەکانی ئیمانوێل ماکرۆن شایستەی سەرۆکی وڵاتێکى وه‌ك فه‌ره‌نسا یان هیچ وڵاتێكى دیكه‌ نییە".