شارپرێس:

بەتۆمەتی بەکارهێنانی دەسەڵاتەکەی لەبەرژەوەندی تایبەتی خۆیدا، ئەنجومەنی کۆمیسیارانی عێراق سزای 10 ملیۆن دیناری بەسەر کاندیدێکی سنوری پارێزگای سەڵاحەدیندا سەپاند.

بەگوێرەی نوسراوێکی ئەنجومەنی کۆمیسیارانی عێراق، بڕیاریدا ئەمجەد محەمەد ئەحمەد، کاندیدی ژمارە 5ی لیستی هاوپەیمانی بنیاتنان و گەشەپێدان، بەبڕی 10 ملیۆن دینار پێبژاردن سزا بدرێت.

ئەوەشخراوەتەڕوو، سزادانی ئەو کاندیدە بەپێی ماددەی 5/2 لە یاسای سکاڵا و تانەی ژمارە 10ی ساڵی 2025 بوەو ناوبراو دەسەڵاتەکانی بۆ بەرژەوەندی تایبەتی خۆی بەکارهێناوە.

ئەمجەد محەمەد ئەحمەد پێشتر بەڕێوەبەری پەروەردەی سەڵاحەدین بوە و لەئێستادا ئەندامی ئەنجومەنی پارێزگای سەڵاحەدینە.