شارپرێس:

مەسعود بارزانی، سەرۆکی پارتی دیموکراتی کوردستان پەیوەندی تەلەفۆنی بە عەلی زەیدیی دەکات و بەبۆنەی دیاریکردنی وەک کاندیدی راسپێردراو بۆ سەرۆک وەزیرانی عێراق، پیرۆزبایی لێ دەکات.

نوسینگەی راگەیاندنی سەرۆک وەزیرانی عێراق لەڕاگەیەنراوێکدا ئاماژەی بەوەکرد،" عەلی زەیدیی، کاندیدی راسپێردراو بۆ سەرۆک وەزیرانی عێراق پەیوەندییەکی تەلەفۆنی لە مەسعود بارزانی، سەرۆکی پارتی دیموکراتی کوردستانەوە پێدەگات و پیرۆزبایی ئاراستە دەکات بەبۆنەی دیاریکردنی لەلایەن گەورەترین فراکسیۆنی پەرلەمانەوە بۆ پێکهێنانی حکومەت ".

ئەوەشیخستەڕوو،" لەپەیوەندییەکەدا جەختکرایەوە لەسەر گرنگی پتەوکردنی پەیوەندی سەرجەم لایەنە نیشتیمانییەکان بۆ پەلەکردن لە پێکهێنانی حکومەت، بۆ ئەوەی خواستەکانی گەلی عێراق بەدیبێت ".