شارپرێس:
بهشێك لهپارهى موچەی مانگی چوارى فهرمانبهرانى ههرێم لهلایهن بهغداوه خەرجکرا، ئهمهش دواى ئهوهى دوێنێ حكومهتى ههرێم بڕى 50 ملیار دینارى لهداهاتى ناوخۆ ڕادهستى وهزارهتى دارایى عێراق كرد.
وهزارهتى داراییو ئابورى حكومهتى ههرێم ئاشكرایكردوه، نیوەڕۆی ئهمڕۆ بڕی 663 ملیارو 805 ملیۆن دینار وەک بەشێک لەتەمویلی موچەی مانگی نیسانی فەرمانبەرانو موچەخۆرانی هەرێم خرایەسەر هەژماری بانکی وەزارەتی داراییو ئابوری حكومهتى هەرێم لەلقی هەولێری بانکی ناوەندی عێراق.
وهزارهتى دارایی جهختیكردوهتهوه، "چاوەڕێدەکرێت سبەینێ سێشەممە گوژمەی تەواوکاری موچە بگاتەسەر هەژماری وەزارەتمانو لەگەڵ گەیشتنی تەواوی تەمویلی موچەو وەرگرتنی پارەکە لەلقی هەولێری بانکی ناوەندی عێراق ڕاستەوخۆ خشتەی موچە ڕادەگەیەنرێتو دەست بەدابەشکردنی موچەی مانگی نیسانی فەرمانبەرانو موچەخۆرانی هەرێم دەکرێت".