شارپرێس:
دوابەدوای ڕاوێژی نێوان لایەنە بەشداربووەکانی کۆنفرانسی یەکگرتوویی هەڵوێستی کورد لە ٢٦ی نیسانی ئەمساڵ و لەسەر بنەمای بڕیاری کۆنفرانسەکە، پێکهێنانی شاندی هاوبەش ڕاگەیەندرا.
شاندێکی هاوبەشی کوردی بۆ گفتوگۆ لەگەڵ حکومەتی دیمەشق، لەسەر خواستی لایەنە نێودەوڵەتییەکان، و لایەنە کوردییەکان، بەگوێرەی دیدگای هاوبەشی کورد سەبارەت بە سوریا و پرسی کورد" پێکهێندرا.
شاندەکە بە ئامادەبوونی فەرماندەی هێزەکانی سوریای دیموکرات، مەزلوم عەبدی کۆبوونەوەی خۆی ئەنجامدا.
شاندی هاوبەشی کورد پێکهاتووە لە:
هاوسەرۆک: پەروین یوسف و محەمەد ئیسماعیل
ئەندامان:
ئاڵدار خەلیل، ڕێحان لوقۆ، ئەحمەد سلێمان، سلێمان ئۆسۆ، سەڵاح دەروێش، نەسرەدین ئیبراهیم، فەیسەڵ یوسف
شاندەکە بەیاننامەیەکی ڕۆژنامەوانی بڵاوکردەوەو ئاماژەی بەوەدا کە لە چەند ڕۆژی داهاتوودا دەست بە ئەرکەکانی دەکات.
ئ.ه