شارپرێس:
تەلەفزیۆنی فه‌رمى ئێران هۆشدارییه‌كى به‌په‌له‌ى سوپاى وڵاته‌كه‌ى بڵاوكرده‌وه كه ئاراسته‌ى ئه‌مریكاى كردوه‌و داوایكردوه، ئه‌و کەشتییە زه‌به‌لاحه‌ى ئه‌مریكا پێویسته لەکەنداوی عومان کە نزیکنەبێتەوە لەو ئاوانەی کە کەشتییە سەربازییەکانی ئێران دەوری تیادا ئه‌نجامده‌ده‌ن، بەرپرسێکی پنتاگۆنیش ڕوداوەکەی بە"سەلامەتی‌و پیشەیی" وەسفکردو ده‌ڵێت، "کاریگەریی لەسەر ئەرکی کەشتییەکە نەبوە".
تەلەفزیۆنی فه‌رمى ئێران ئاماژه‌ى به‌وه‌داوه، هێلیکۆپتەرێکی سەربازیی ئێران، بەسەر کەشتیه‌كى زه‌به‌لاحی ئه‌مریكادا فڕیوە، لەکاتێکدا کەشتییە سەربازییەکەی ئەمریکا "هەوڵیدا لەئاوەکانی ژێر کۆنتڕۆڵی ئێران نزیک بێتەوە".
ئاماژەی بەوەکردوه، کە هێلیکۆپتەرەرەکە هۆشداریی بڵاوکردەوەو ئاماژەی بەوەدا، "فڕۆکەوانە ئێرانییەکان بەئیرادەوە درێژە بەئەرکەکه‌یان ده‌ده‌ن‌و چەندینجاریش هۆشداریی به‌كه‌شتییه‌كه‌داوە لەدورکەوتنەوە لەئاوەکانی ئێران".
باس له‌وه‌شكراوه، دواتر هێزەکانی ئێران فەرمانیان بەكه‌شتییه‌كه کردوە "ڕێڕەوی خۆی بگۆڕێت بەرەو باشور، کەشتییەکەش ناچاربوه بگەڕێتەوە دواوە".
له‌وباره‌یه‌وه بەرپرسێکی وەزارەتی بەرگری ئەمریکا باسی لەڕوداوێکی "سەلامەت‌و پیشەیی" لەنێوان کەشتییەکەو هێلیکۆپتەرێکی دەریایی ئێران "لەئاوە نێودەوڵەتییەکاندا" کردوه‌و وتویه‌تى، "ڕوداوەکە هیچ کاریگەرییەکی نەبوە لەسەر ئەرکی کەشتیی زه‌به‌لاحی فیتزجێراڵد".
