شارپرێس:
گروپی حوسییەکانی یەمەن ڕۆژی شەممە کوژرانی ئەحمەد غالب ئەلڕەهوی سەرۆک وەزیران و ژمارەیەک وەزیری لە هێرشە ئاسمانییەکانی ئیسرائیل لەڕۆژی پێنج شەممەی ڕابردوو ڕاگەیاند.
حوسییەکان لە ڕاگەیەندراوێکدا ڕایانگەیاند: کوژرانی ئەحمەد غالب ئەلڕەهوی، سەرۆکوەزیران و ژمارەیەک لە وەزیرەکانی کابینەکەی ڕادەگەیەنین.
دەشڵێت، ئیسرائیل سەرۆک وەزیران و ژمارەیەک لە وەزیرەکانی کردوەتە ئامانج.
لە ڕاگەیەندراوەکەدا ئاماژە بەوەشکراوە، چەند وەزیرێک برینداربوون و برینەکانیان مامناوەند و سەختە و چارەسەری پزیشکی وەردەگرن.
جەختیشی لەوە کردەوە، دامودەزگاکانی حکومەت سەرەڕای زیانەکان بەردەوام دەبن لە کارەکانیان.