شارپرێس:
هەریەک لە بەریتانیا و ئەڵمانیا و چەند وڵاتێکی دیکەی ئەوروپا بڕیاریانداوە زیاتر لە 60 هەزار پەناخوازی عێراقی و هەرێمی کوردستان بەشێوەی زۆرەملێ دیپۆرت بکەنەوە، هەڕەشەش دەکەن لەوەی لەئەگەری رەتکردنەوەی ئەو بڕیارە لەلایەن عێراقەوە، سزای دیپلۆماسییان بەسەردا دەسەپێنن.

دابان شەدەڵە، جێگری سەرۆکی فەرمانگەی پەیوەندییەکانی حکومەتی هەرێم لەچاوپێکەوتنێکی تەلەفزیۆنیدا ئاماژەی بەوەکردوە، ئەو 60 هەزار پەناخوازەی بڕیارە لە ئەوروپاوە دیپۆرتی عێراق بکرێنەوە، زیاتر لە نیوەیان کوردن و خەڵکی هەرێمی کوردستانن.

ئەوەشیخستەڕوو، شاندەکەی ئەوروپا بە عێراقیان وتوە، ئەگەر ئەو پەناخوازانە وەرنەگرنەوە، پێدانی ڤیزا بۆ هاوڵاتییانی عێراق ڕادەگرن و تەنانەت بۆ بازرگان و کەسە دیپلۆماسییەکانیش سنوردار دەکرێن.

محەمەد سەردار