شارپرێس:

به‌ڕێوه‌به‌رایه‌تى هاتوچۆى سلێمانى هۆكارى كه‌وتنه‌خواره‌وه‌ى كۆپته‌رێك له‌چیاى هه‌ڕوته‌ى شاره‌كه‌ ئاشكراده‌كات‌و ڕایده‌گه‌یه‌نێت، "هه‌ڵه‌یه‌كى ته‌كنیكى ڕویداوه‌".

هاتوچۆى سلێمانى له‌ڕاگه‌یه‌نراوێكدا نوسیویه‌تى، "لەمیانەی هەوڵی ڕزگارکردنی شۆفێرو سەرنشینانی ئۆتۆمبێلێک کە بەڕوداوێکی هەڵدێران کەوتبوە خوارەوە لەشاخی هەڕوتە، فڕۆکەیەکی فریاگوزاری لەوکاتەدا توشی هەڵەیەکی تەکنیکی بوەو کەوتوه‌تە خوارەوە".

ده‌شڵێت:"سەرجەم تیمەکانی لایەنی پەیوەندیدارەکانی بەڕێوەبەرایەتی هاتوچۆی سلێمانی لەشوێنی ڕوداوەکەن‌و تەرمی ئەو هاوڵاتییەی توشی ڕوداوەکە ببوو گوستراوەتەوە بۆ پزیشکی دادوەریی".

ئه‌وه‌ش ڕونكراوه‌ته‌وه‌، "هەردوو فڕۆکەوانەکە گواستراونەتەوە بۆ نەخۆشخانەی شار کە یەکێک لەفڕۆکەوانەکان عه‌مید (حسێن فه‌یزوڵڵا)یەو باری تەندروستییان جێگیرەو لەقۆناغەکانی وەرگرتنی چارەسەری تەندروستیدان.