شارپرێس:

ئیلهام ئەحمەد، هاوسەرۆکی فەرمانگەی پەیوەندییەکانی دەرەوەی ئیدارەی خۆبەڕێوەبەریی باکور و ڕۆژهەڵاتی سوریا بە مەبەستی ئەنجامدانی دیدار سەردانی دیموشقی کردوە.

میدیای نزیک لە پەکەکە دەڵێت،" تا ئێستا ئامانجی سەردانەکە نەزانراوە و نازاندرێت کێ لەگەڵ ئیلهام ئەحمەد سەردانی دیمەشقی کردوە و لەگەڵ کێ کۆدەبنەوە ".

چەند ڕۆژی ڕابردوو، لە عەمانی پایتەختی ئوردن، مەزڵوم عەبدی، فەرماندەی گشتیی هێزەکانی سوریای دیموکرات (هەسەدە) و ئیلهام ئەحمەد، هاوسەرۆکی فەرمانگەی پەیوەندییەکانی دەرەوەی ئیدارەی خۆبەڕێوەبەریی باکور و ڕۆژهەڵاتی سوریا لەگەڵ شاندێکی باڵای ئەمریکا کۆبونەوەیان ئەنجام دا.

لەو کۆبونەوەیەدا، پرسی یەکگرتنی هەسەدە لەگەڵ سوپای سوریا، چارەسەری لامەرکەزی بۆ سوریا و ڕێککەوتنی ١٠ـی ئادار تاوتوێ کراون.