شارپرێس:

 عومەر ئۆجالان پەرلەمانتاری تورکیا لە فراکسیۆنی دەم پارتی ڕایگەیاند: ئەگەر بمانەوێت لە ڕێگەی یەکگرتنی دیموکراسیەوە جێگەیەک لە دەوڵەتدا بگرین، ئەوا دەبێت زمان و کولتور و ناسنامە و سیاسەتی کوردی قبوڵ بکەن.

عومەر ئۆجالان، لەڕێوڕەسمێکدا لە ئەدەنە لەبارەی پرۆسەی ئاشتی وتی: ئێمە پێکەوە ئەم پرۆسەیە بەڕێوە دەبەین، ئەم پرۆسەیە لەلایەن ڕێبەرەوە بەڕێوەدەبرێت نەک پرۆسەیەکی تاکتیکی، هەنگاوێکی ستراتیژییە بۆ گەلەکەمان، ڕێبەر هەنگاوێکی گەورەی ناوە بۆ ئاشتی و چارەسەرێکی دیموکراسی، ماوەی 27 ساڵە بەدوای قسەکەرێکدا دەگەڕێت بۆ چارەسەر، دەوڵەت و حکومەت ڕایانگەیاند کە ئەوان ئامادەن بۆ چارەسەر، ئەگەر دەوڵەتی تورکیا ئامادەیە، ئەوا ئێمەش، بۆ چارەسەری چارەسەری خەڵک و ڕێبەرەکەمان ئامادەن.

ڕاشیگەیاند، ئێمە ڕێبازی عەبدوڵڵا ئۆجالان پەیڕەو دەکەین بەو پێیەی ئێمە لە ڕێگەی یەکگرتنی دیموکراسیەوە جێگەی خۆمان لە دەوڵەتدا دەگرین ئەوا دەبێت کولتور و زمان و ناسنامە و سیاسەتی کوردیش قبوڵ بکرێت".

ئۆجالان سەرنجی بۆ یەکڕیزی گەلی کورد ڕاکێشا و وتی: خەبات دەکەین و ئەم پرۆسەیە سەردەخەین، دەوڵەت دەبێت شەفاف بێت. 
ئ.ه