شارپرێس:
مارکۆ ڕوبیۆ وەزیری دەرەوەی ئەمریکا ڕایگەیاند: ترەمپ دەیەوێت شەڕ لە باکوری سوریا ڕابگرێت تا ئەو کاتەی بتوانین دیلەکانی داعش بگوازینەوە و هێزە کوردییەکان تێکەڵ بە هێزەکانی حکومەت بکەینەوە.
مارکۆ ڕوبیۆ وەزیری دەرەوەی ئەمریکا لەلێدوانێکدا دەڵێت، ترەمپ داوای ئاگربەستی لە باکورو ڕۆژهەڵاتی سوریا کردووە بۆ ئەوەی بتوانین دیلەکانی داعش بگوازینەوە و هێزە کوردییەکان تێکەڵ بە هێزەکانی حکومەتی سوریا بکەینەوە.
دەشڵێت، پێویستە ڕێککەوتنی نێوان دەسەڵاتدارانی سوریا و کورد جێبەجێ بکرێت و ئەمەش ئاسان نابێت.
هەروەها دەڵێت کۆبوونەوەمان لەگەڵ ئەسعەد شەیبانی وەزیری دەرەوەی سوریا و مەزڵوم عەبدی فەرماندەی گشتی هەسەدە مێژویی بوو.