شارپرێس:
هەردوو وەزارەتی پەروەردەو خوێندنی باڵای حکومەتی هەرێم بڕیاریاندا تاکو رۆژی دوشەممە 23 ی 3 ی 2026 لەسەرجەم ناوەندەکانی خوێندن پشوو بێت.

هەردوو وەزارەتی پەروەردە و خوێندنی باڵای حکومەتی هەرێم لەڕاگەیەنراوێکدا هاوبەشدا ئاماژەیان بەوەکرد،" لەپێناو بەرژەوەندی گشتیی و پاراستنی سەلامەتی مامۆستایان و قوتابیان و خوێندکاران  ، لە یەکشەممە 8 ی 3 ی 2026 تا دووشەممە  23 ی 3 ی 2026 ، لە گشت ناوەندەکانی خوێندنی  وەزارەتی پەروەردە و وەزارەتی خوێندنی باڵاو توێژینەوەی زانستی حکومەتی هەرێمی کوردستان ، حکومی و ناحکومی و تایبەت و نێودەوڵەتیەکانیش ) پشوو دەبێت.

ئەوەشخراوەتەڕوو،" لە 11 ی 3 ی 2026 تا 23 ی 3 ی 2026 پشوی فەرمی بەهارەی ناوەندەکانی خوێندنە ".