شارپرێس:

ئەنجومەنی شارەزایانی بەڕێوەبردنی ئێران، موجتەبا خامنەیی، کوڕی عەلی خامنەیی وەک رابەری باڵای ئێرانی دیاریکرد.

ئەنجومەنی شارەزایانی بەڕێوەبردنی ئێران لەڕاگەیەنراوێکدا ئاماژەی بەوەکرد،" سەرباری ئەو دۆخەی سەختەی لەوڵاتەکەدا هەیە و لەلایەن دوژمنانەوە نوسینگەی ئەنجومەنەکە بەئامانجگیراوە و چەند فەرمانبەرێکی ئەنجومەنی شارەزایانی بەڕێوەبردنی ئێران گیانیان لەدەستداوە، بەڵام بەردەوامین لە رێکارە پێویستەکان بۆ بەڕێوەبردنی دانیشتنێکی نائاسایی بۆ دیاریکردنی رێبەرێکی نوێ بەپێی دەستوەر و پەیڕەوی ناوخۆی ئەنجومەنەکە ".

ئەوەشیخستەڕوو، بەپێی دەنگی زۆرینەی ئەندامانی ئەنجومەنەکە، موجتەبا خامنەیی وەک سێیەم رابەی باڵای ئێران دیاریکراوە، داواش لەتەواوی گەلی ئێران و کەسایەتییە ئاینی و ئەکادیمییەکان دەکات دان بە رابەری نوێ بنێن و یەکڕیژی وڵاتەکەیان بپارێزن .