شارپرێس:
وەزارەتی هەواڵگریی ئێران ڕایگەیاند کە 30 سیخوڕی ئیسرائیلی لەپارێزگاکانی هەمەدان، لوڕستان و کرمان ناسراونەتەوەو دەستگیرکراون.

 
بەپێی ڕاپۆرتی ئاژانسی میهر، هێزە ئەمنییەکان توانیویانە لەسەر بنەمای زانیارییە بڵاوکراوەکان و کارە هەواڵگرییەکان، ئەم 30 سیخوڕە ئەمریکی و ئیسرائیلیە دەستبەسەر بکەن.

ئەوەش هاتووە،" لەپارێزگای هەمەدان 24 کەس دەستگیرکراون کە زانیاریی و پۆوتانی بنکە سەربازی و ئەمنییەکانیان بۆ دوژمن ناردوە، کە بەداخەوە هەندێکیان کراونەتە ئامانج".

هەروەک دەڵێت، لەکاتی دەستگیرکردنیاندا 11 ئامێری ستارلینکی نەوەی نوێ و چەندین چەکی جۆراوجۆر گیراون.

هەواڵگریی ئێران ئاماژەی بەوەکردووە کە لەپارێزگای لوڕستان 4 کەس کە ئەندامی گروپێکی تێرۆریستی بون و خەریکی کۆکردنەوەی زانیاریی و پلاندانان بۆ دروستکردنی پشێوی بون، دەستبەسەر کران.

هەروەک لەکرمان 2 کەس لەکاتێکدا بەجلی خێزانییەوە خەریکی گواستنەوەی 7 دەمانچە و 10 مەخزەن بوون، قۆڵبەست کران و ڕادەستی یاسا کران.