د. سامی جەلال، راوێژکاری یاسایی وەزارەتی ناوخۆ و سەرۆکی تیمی دانوستانکاری سیستەمی ئەسیکۆدا ڕایگەیاند، لە دواین کۆبوونەوەیان لەگەڵ عەلی زەیدی، سەرۆک وەزیرانی عێراق، زەیديی وتی: پێشنیازێکی نوێم پێیە، داهاتی دەروازە سنورییەکان هەمووی بۆخۆتان، منیش ئەو داهاتە لە مووچەی فەرمانبەران دەبڕم.
سامی جەلال وتیشی: ئەو پێشنیازە خەریکبوو بخرێتە دەنگدانەوە، بەڵام ئێمە ڕەتمانکردەوە و ڕێگەمان پێنەدا.
بەوتەی ڕاوێژکارەکەی وەزارەتی ناوخۆ، سەرۆک وەزیرانی عێراق وتویەتی "ئێوەش هاوشێوەی پارێزگاکانی دیکەی عێراق دەبێت داهاتەکان ڕادەستی بەغدا بکەن، ئێمەش وتمان پارێزگا نین و هەرێمێکی دانپێدانراوی دەستوورین".
هاوکات باسی لەوەشکرد، زەیديی دەیەوێت وەک سەرۆک وەزیرانێکی بەهێز خۆی نیشان بدات، کە داهاتی تەواوی عێراقی لەدەستدایە.