شارپرێس:
مەزڵوم عەبدی فەرماندەی گشتی هەسەدە لەبارەی هێرشەکەی تەدمور ڕایگەیاند، نیگەرانبووین بەهۆی برینداربووی ژمارەیەك سەربازی ئەمریكا و ئاسایشی گشتی سوریا کە لەناوەڕاستی سوریا ڕوبەڕوی هێرش بوونەوە لەکاتی ئەرکەکانیاندا.
مەزڵوم عەبدی، فەرماندەی گشتی هێزەكانی سوریای دیموكرات لەپەیامێکدا لە تۆڕی ئێکس ڕایگەیاند، نیگەرانبووین بۆ برینداربوونی ژمارەیەك سەربازی ئەمریکی و ئەندامی هێزی ئاسایشی گشتی سوریا لەو هێرشەی لەتەدمور کرایەسەریان.
دەشڵێت، زیادبوونی ئەو جۆرە هێرشانە پێویستی بە ویست و هەوڵی باشترو هاوبەش لەسەر ئاستی نیشتمانی هەیه بۆ ڕوبەڕوبوونەوەی تیرۆر.
هەروەها مەزڵوم عەبدی خوازیاری هەرچی زووتری چاکبوونەوە بۆ بریندارەکان بووە.
ئ.ح