شارپرێس:

پارێزگاری هەولێر هەڵوەشاندنەوەی پێشانگەی نێودەوڵەتی هەولێر بۆ بەرهەمی سوری راگەیاند.

ئومێد خۆشناو، پارێزگاری هەولێر لەڕونکردنەوەیەکدا دەڵێت،" بڕیاربوو 26 ی ئەم مانگە لە پێشانگای نێودەوڵەتی هەولێر، پێشانگای بەرهەمەکانی سوری بکرێتەوە، بەڵام لەئێستاد بە ڕای گشتی و هەموولایەکی ڕادەگەینین، ئەو پێشانگەیە ناکرێتەوە ".

ئەم بڕیارەی پارێزگاری هەولێر لە کاردانەوەی هێرشەکانی گروپە چەکدارییەکانی سوریا بۆ سەر هەردوو گەڕەكی شێخ مەقسود و ئەشرەفییە لە شاری حەلەب دێت، کە بەهۆیەوە زیاتر لە 20 شەڕڤان شەهیدبون و زیاتر لە 100 هەزار کەسیش ئاوارە بون.