شارپرێس:

گۆڤارێکی ئەڵمانی زانیاری نوێ لەبارەی ‌هێرشی گروپە چەکدارەکانی سوریا بۆ سەر هەردوو گەڕەکە کوردییەکەی حەلەب ئاشکرادەکات و دەڵێت، بە 42 هەزار چەکدار و 110 تانک و چەندین جۆری چەکی قورس هێرشەکە ئەنجامدراوە.

گۆڤاری ( دیێر شبیگل )ی ئەڵمانی راپۆرتێکی لەبارەی هێرشی چەکدارانی سەر بە رژێمی شەرع بۆ سەر شێخ مەقسود و ئەشرەفییە بڵاوکردوەتەوەو ئاماژەی بەوەکردوە،" هێرشەکە لەڕێی 42 هەزار چەکدار ئەنجامدرا و تێیدا 110 تانک و چوار فڕۆکەی بەیرەقداری تورکی و 67 فڕۆکەی بێفڕۆکەوانی خۆکوژ، 57 زریپۆش، 22 راجیمە و 32 رەشاشی دۆشکە بەکارهێنراوە ".

ئەوەشخراوەتەڕوو، لەماوەی شەڕەکەدا بەردەوام ئەو دوو گەڕەکە بە تۆپهاوێژی دورمەوداوە تۆپباران دەکرا.

ئەو گۆڤارە ئەڵمانییە ئاشکراشیکردوە، ئەو هێزانەی بەشدارییان لەشەڕەکە کردوە، بریتین لەمانە:

- فیرقەی 60
-فیرقەی 72
-فیرقەی 86
-فیرقەی 62
-هێزی پشتوانی گوندەوارەکانی باکور و باشوری حەلەب
-هێزی پشتیوانی ئیدلب
-هێزی پشتیوانی روستن لە گوندەواری حمس
-هێزی پشتیوانی حەمای باکور
-هێزی پشتیوانی ئاسایشی گشتی لە حەلەب و ئیدلب
-دەزگاکانی ئاسایش و دژەتیرۆر